Умар Нурмагомедов жароҳат орттириб олди

Бунинг натижасида UFC рейтингида иккинчи ўринни эгаллаб турган Нурмагомедов январь ойида октагонга чиқа олмайди. Бу ҳақда унинг ўзи ижтимоий тармоқдаги саҳифасида хабар берди.  

"Қўлимни синдириб олдим. Январь ойида октагонга чиқа олмайман. Ҳозир жароҳатим анча яхши. Тез орада ҳамма таклифларни қабул қилишга тайёр бўламан", - деди Умар. 

Умар Нурмагомедов уч ҳафта аввал январь ойида хитойлик Сонг Ядонг ёки дивизионнинг амалдаги чемпиони Мераб Двалишвилига қарши октагонга чиқишга тайёр эканини айтган эди. Ўз ўрнида грузиялик чемпиони 8 март куни Лас-Вегасдаги UFC 313 турнирида камарини ҳимоя қилишини маълум қилганди. У кейинги рақиби сифатида собиқ чемпион Петр Янни кўриш истагида эканини айтган эди. Ян ўтган ҳафта бразилиялик Дейвесон Фигередони мағлуб этиб, чемпионлик жанги учун яхши имкониятга эга бўлиб олганди.