"Умар Нурмагомедов Хабибнинг такомиллаштирилган талқини"

"Ўйлайманки, Умар Кори Сандхагендан ўтса, 100% даъвогарга айланади. Бу Умар учун яхши синов бўлади. Йил давомида у билан кўп ишладим. Ҳеч ким бундай қийин спаррингни кўрмаган. У ҳар томонлама яхши. Биз билан Ренат Хавалов ва Қасум Қасумов ҳам ишлаган. Тўртовимиз бир-биримиз билан ишлагандан сўнг хонадан эмаклаб чиқиб кетар эдик. Умар ҳозирданоқ чемпионлик учун курашишга тайёрлигига ишонаман. Ҳозир бунинг айни вақти. 

Курашда у Хабибнинг такомиллаштирилган талқини. У "стойка"да яхши. Лекин, унинг эркин кураши жуда юқори даражада. Жуда ноқулай ва ҳаракат қилиш қийин. Агар у спаррингда қўлга тушиб қолган бўлса, уйга қайтиб хатолари устида ишламоқда. Кейинги спаррингларда у бундай хатоларга дуч келмайди. Умар тайёргарликка жуда ақлли ёндашади. Унинг ақли яхши ишлайди. Чемпионликни қўлга киритиш учун асосийси шу", - деди Магомедов.

6 август куни бўлиб ўтадиган UFC турнирининг асосий баҳсида Умар Нурмагомедов ва Кори Сандхаген ўзаро куч синашади.