Умид Аҳмаджонов ва Жасур Матчанов Осиё Олимпия кенгашининг Бош ассамблеясида иштирок этишди

Унда Ўзбекистон номидан Миллий олимпия қўмитаси Президенти Умид Аҳмаджонов ва Бош котиб Жасур Матчанов иштирок этди.

Йиғилишни Осиё Олимпия кенгаши президенти шайх Аҳмад ал-Фаҳад ал-Аҳмад ал-Сабаҳ ўз маърузаси билан очиб берди. Шундан кейин 2022 йили Хитойнинг Хангчжоу шаҳри мезбонлик қиладиган Осиё ўйинлари, 2026 йили Япониянинг Айти-Нагоя префектурасида бўлиб ўтадиган Осиё ўйинлари, 2020 йилги Токио Ёзги олимпиадаси ҳамда 2022 йилги Пекин Қишки олимпиадаси тақдимоти ўтказилди. 

Бундан ташқари, қитъа спорт ривожига хисса қўшаётган турли федерациялар раҳбарлари тақдирланди.

Ўзбекистон миллий олимпия қўмитаси раҳбари Умид Аҳмаджонов йиғилиш доирасида Осиё Олимпия кенгаши президенти шайх Аҳмад ал-Фаҳад ал-Аҳмад ал-Сабаҳ билан учрашиб, қатор масалаларни муҳокама қилди.

Ассамблеяда Осиё олимпия кенгаши вице-президенти, Халқаро ҳаваскор бокс ассоциацияси (AIBA) президенти вазифасини бажарувчи Ғофур Раҳимов ҳам иштирок этди