"Унга соврин керак эмас!" - Фьюрининг агенти Тайсонни оқлашга ҳаракат қилди

Унинг айтишича, британиялик жангчининг жамоаси муносиб рақиб излаган, аммо барча юлдузлар таклифга рад жавобини беришган.

"Титулни ҳимоя қилмоқчи бўляпмиз. Илк навбатда бунинг учун тижорий мазмун ҳам эга бўлиши керак. Биз бу ерга 20 млн доллар сўраётган Энди Руисни йўлатмаслигимиз керак эди. Бундан маъно ҳам йўқ.

Шунингдек, яна шундай ҳолатлар борки, бошқалар титулни истамаяпти. Жошуа яқиндагина "машғулот" жангини ўтказди. Бироқ кейинчалик Тайсонни мағлуб эта оладиган жангчи билан беллашишини ва унда 40 фоиз гонорарни олишини айтди. 

Буларнинг ҳаммаси бемаънилик, улар шунчаки баҳона излаш билан банд бўлишмоқда. Биз ўтган йилнинг декабридан буён бу йўлни босиб ўтишга ҳаракат қиляпмиз, жуда кўп вақт йўқотдик. Агарда барчаси шундай кечишини билганимизда, шунчаки вақт ўтказмасдик.

Биз ҳам, Тайсон ҳам, умуман олганда барча мухлислар кўришни истаётган жанглар бўлади ва шу сабабли Усикка мурожаат билан чиқдик. Чунки бу борадаги энг яхши вариант айнан у эди. Аммо улар рад қилишди ва бошқасини излашди. Мана энди барчаси аввалгидек қолиб кетди", - деди Уоррен.

Фьюри ва Нганну ўртасидаги жанг 28 октябрь куни бўлиб ўтади.