"Унинг чорловларини қабул қилишмаяпти". Раҳматжон Рўзиохунов Баҳодир Жалолов ҳақида гапирди

— Келинг, уйим олдидаги кондиционер реклама баннерида ҳар доим турган Баҳодир Жалоловни мисол қилайлик! У ҳақиқий юлдуз — барча медиа, ташқи реклама ва бошқа жойларда: бир куни кондиционер ушлаб турган бўлади, бир куни елкасида телевизор, ёки яшил кийимда. Мен интизом ва инсон омили ҳақида гапиряпман. Инсон ғалабага интилди, ғалаба қилди ва кейин бўшашди. Шу пайтда унга нима дейсиз?

— Тўғри айтдингиз, у жуда машҳур, лекин бу фақат ҳаваскор боксдаги ғалабалари туфайли. Ҳозир у профессионал боксга ўтди, лекин рейтингнинг ўрта қисмида ёки ундан ҳам пастроқда. Буни унга фақат мен эмас, балки унинг атрофида ишлайдиган барча одамлар эсга солиб туради. У аллақачон юқорироқ поғонага кўтарилиши керак эди, лекин ҳалигача ўртада турибди. У рейтингнинг юқори қисмидаги рақибларни жангга чорлаганида, улар рози бўлишмаяпти.