United Cup. Квитова Чехияга Германия устидан ғалаба келтирди

Германия - Чехия учрашувида дунёнинг 16-ракеткаси бўлиб турган Петра Квитова жамоасига ғалаба тақдим этди. Чехиялик теннисчи WTA рейтингида 177-поғонада бораётган германиялик дугонаси Лаура Зигемундни 6/4, 6/2 ҳисобида мағлубиятга учратди.

Теннисчилар 1 соату 51 дақиқа вақт давомида кортда ҳаракат қидишган. Петра ўзаро учрашувлардаги ҳисобни йириклаштирди - 3:0. Квитова 3 та эйс, 10 та қўшхато ва 5 та брейк қайд этган. 

Шу тариқа, Чехия терма жамоаси Германияга қарши баҳсда умумий ҳисобни 3:0 кўринишига етказди ва муддатидан аввал баҳс ғолибига айланди.