25 апр 17:57
Янгиликлар
От Спорти
“Universal Horses Stable” от спорти клубидан ФОТОРЕПОРТАЖ
Пойтахтимиздаги “Universal Horses Stable” мажмуасида конкур бўйича ўтказилаётган Жаҳон кубоги Евросиё лигасининг биринчи босқичи қизғин паллага кириб бормоқда.
Унда Евросиё лигасига аъзо Арманистон, Қозоғистон, Қирғизистон, Ўзбекистон каби 11 мамлакатнинг сара чавандозлари ғолиблик учун баҳс олиб боришяпти. CSI1*-W таснифидаги мусобақанинг биринчи кунида спортчилар 120 см. ва 130 см. баландликдаги тўсиқлардан сакраб ўтиш йўналишида ўзаро беллашишди.
Аҳамиятлиси, баландлиги 120 смни ташкил этган тўсиқларни забт этишда Ўзбекистон йилқичилик ва от спорти федерацияси раиси Баҳромжон Газиев ғалаба қозонди. Шунингдек, 130 смли тўсиқларда қирғизистонлик Андрей Тряпицин энг яхши натижани қайд этиб, олтин медални қўлга киритди.
Евроосиё лигасининг I-босқич мусобақалари 30 апрелга қадар давом этади.
Алимурод МАМАДАМИНОВ, ўз мухбиримиз
Ҳавола :
Манба : olamsport.com
Фикрлар