Универсиада ўйинлари. Теннисчи қизларимиз ғалаба билан бошлашди

Ушу бўйича Ўзбекистон терма жамоаси вакиллари Дарья Латишева нандао, Азиз Қаҳрамонов эса чангкуан дастурида чиқиш қилишди. Аммо уларнинг кўрсатган натижалари медаль учун етарли бўлмади. 

Теннисчи қизларимиз эса илк давра учрашувини ғалаба билан якунлашди. Насиба Эсполова 75 дақиқа давом этган баҳсда австралиялик Александра Вейрни 6/4, 6/3 ҳисобида мағлубиятга учратди. Омина Валихонова эса замбиялик Куин Сакалага ҳеч қандай имконият қолдирмади - 6/1, 6/0. Ушбу учрашув 45 дақиқа давом этган. 

Энди Насиба Эсполова иккинчи босқичда турнирнинг саккизинчи ракеткаси, япониялик Икуми Ямазакига, Омина Валихонова эса мусобақада иккинчи рақам остида таснифланган Хитой Тайпейи вакиласи Лианг Ен-Шуога қарши кортга чиқади. Ўзбекистонлик теннисчиларнинг рақибалари иккинчи даврага тўғридан-тўғри йўл олган.