Универсиада ўйинларининг илк медалини дзюдочимиз тақдим этди

Ўзбекистон спорт делегациясига Универсиаданинг илк медалини дзюдочимиз Камолиддин Бахтиёров тақдим этди. 

-60 килограмм вазн тоифасида юртимиз шарафини ҳимоя қилган Бахтиёров 1/2 финалда Токио Олимпиадасининг кумуш медали соҳиби, Хитой Тайпейи вакили Янг Юнг-Вейга имкониятни бой бериб қўйди. Бронза медали учун кечган беллашувда эса мўғулистонлик Сумиябазар Энхтайвандан устун келди.

-60 кг вазнда ғолиб ва совриндорлар:

1. Таики Накамура (Япония)

2. Янг Юнг-Вей (Хитой Тайпейи)

3. Жеон Сеунг Беом (Корея Республикаси)

3. Камолиддин Бахтиёров (Ўзбекистон)

Афсуски, қолган дзюдочиларимиз Фотимахон Турсунбоева (-48 кг), Гулҳаё Жўраева (-52 кг), Юляна Максетбаева (-57 кг) ва Абдураҳим Нутфуллоев (-66 кг) мусобақани медалсиз якунлашди.