Университетда докторлик дипломлари топширилди

Тадбирни  Ўзбекистон давлат жисмоний тарбия ва спорт университети ректори М.Р. Болтабаев кириш сўзи билан очиб берар экан, “Сизларнинг жисмоний тарбия ва спорт соҳасида қилган изчил ва машаққатли изланишларингиз Ҳукуматимиз томонидан юқори баҳоланганлиги ва ҳозирда кузатилаётган глобал карантин жараёнига қарамасдан, дипломларнинг кечиктирилмасдан ўз вақтида топширилишининг ўзи, юртимизда илм-фанга берилаётган юқори эътибор самарасидир” – дея таъкидлаб ўтди.

Шунингдек, педагогика фанлари бўйича фалсафа доктори (Doctor of philosophy) илмий даражаси берилганлиги 6 нафар мутахассисларга бундан кейин хам илм-фан йўлида шижоатларини сустлаштирмасдан изланишларни давом эттиришларига тилакдош эканлигини билдирди ва жисмоний тарбия ва спортнинг янада янги қирраларини чуқур ўрганиб, талабаларга замонавий билимларни бериш, халқимизни оммавий спортга жалб қилиб уларнинг саломатлигини сақлашдек савобли ишларида муваффақият тилади.

ЎзДЖТСУ матбуот хизмати