06 сен 10:33
Янгиликлар

Теннис

US Open. Андрей Рублёв 1/4 финалга чиқди

Нью-Йорк шаҳрида ўтказилаётган "Катта Дубулға" туркумига кирувчи АҚШ Очиқ чемпионати ўзининг қизғин палласига кирди.

Дунёнинг 11-ракеткаси Андрей Рублёв мусобақанинг чорак финал иштирокчисига айланди. Россиялик теннисчи 1/8 финалда ATP рейтингида ўзидан икки поғона юқорида турган британиялик Кэмерон Норрини уч сетда ҳам бир ҳисобда мағлуб эта олди - 6/4, 6/4, 6/4.

Андрей теннисчиларнинг ўзаро учрашувида ҳисобда олдинга чиқиб олди - 2:1. Баҳс 126 дақиқа давом этган ва унда Рублёв 11, Норри эса 7 та эйс зарбасини амалга оширган. Энди россиялик ракетка устаси 1/4 финалда Фрэнсис Тиафога қарши кортга чиқади. Америкалик теннисчи нимчорак финалда дунёнинг учинчи ракеткаси Рафаэль Надални мағлубиятга учратган эди.