US Open. Андрей Рублёв рақибига 7 та гейм берди

Россиялик теннисчи 105 дақиқа давом этган иккинчи давра баҳсида ATP рейтингида 81-поғонадан жой олган кореялик Сун-Ву Квонни ортиқча қийинчиликсиз таслиқ этди - 6/3, 6/0, 6/4. Теннисчиларнинг ўзаро учрашувларидаги ҳисоб янада йириклашди - 4:0!

Рублёв 12 та эйс, 5 та қўшхато, 6 та брейк қайд этди. Квон эса 3 та эйс зарбасини ижро этиб, 2 та қўшхатога йўл қўйди ва бир бор брейкни амалга оширди. Энди Андрей US Open учинчи даврасида канадалик Денис Шаповаловга қарши кортга чиқади. Денис иккинчи босқичда испаниялик Роберто Карбальес-Баэнадан устун келди.