30 авг 13:24
Янгиликлар

Теннис

US Open. Донна Векич 204-ракеткага ютқазиб қўйди

Нью-Йорк шаҳри мезбонлик қилаётган АҚШ Очиқ чемпионатининг биринчи давра баҳсларидаёқ кутилмаган натижалар кўп қайд этилмоқда.

Жумладан, дунёнинг 22-ракеткаси, хорватиялик Донна Векич WTA рейтингида 204-поғонада бораётган америкалик Сачии Викерига имкониятни бой бериб қўйди - 6/2, 5/7, 2/6. Бу теннисчиларнинг ўзаро ўтказган илк учрашуви эди.

Икки соату 22 дақиқа давом этган баҳсда Векич 6, Викери 7 та эйс зарбасини амалга оширди. Қўшхатолар Доннада кўпроқ бўлди - 7 га 2. Энди Викери иккинчи босқичда бельгиялик Греетье Минненга қарши кортга чиқади. Миннен биринчи даврада америкалик тажрибали рақибаси Винус Уильямсга ҳеч қандай имконият қолдирмади - 6/1, 6/1.