US Open. Карлос Алькараз муваффақияли старт олди

Эркаклар ўртасидаги баҳсларда дунёнинг учинчи ракеткаси Карлос Алькараз илк даврада ATP рейтингининг 186-поғонасида бораётган австралиялик Ли Туга қарши кортга чиқди. Испаниялик теннис юлдузи 2 соату 44 дақиқа давом этган баҳсда тўрт сет натижасига кўра ғалаба қозонди - 6/2, 4/6, 6/3, 6/1.

Бу теннисчиларнинг ўзаро ўтказган илк учрашуви эди. Алькараз 7, Ту 2 та эйс зарбани амалга оширди. Қўшхатолар Яшил қитъа вакилида кўпроқ бўлди - 6 га 4. Брейклар бўйича усутунлик табиийки, ғолиб теннисчи томонида - 7 га 2! Энди Алькараз US Open иккинчи босқичида нидерландиялик Ботик ван де Зандшульпга қарши кортга чиқади.