06 сен 13:29
Янгиликлар

Теннис

US Open. Пегула Петрани уйига жўнатиб юборди

Дунёнинг саккизинчи рақамли теннис маликаси Жессика Пегула АҚШ Очиқ чемпионатининг чорак финалига чиқди.

Америкалик теннисчи тўртинчи даврада WTA рейтингида 21-ўринни банд этган чехиялик Петра Квитовадан устун келди - 6/3, 6/2. Жессика ўзаро учрашувларда илк бор Квитовани таслим этди - 1:2.

Олтмиш тўққиз дақиқа давом этган учрашувда Пегула ҳам, Квитова ҳам 3 тадан эйс зарбасини амалга оширишган. Энди Жессика US Open 1/2 финал чиптаси учун сайёрамизнинг биринчи ракеткаси, польшалик Ига Свёнтекка қарши кортга чиқади.