Усик - Фьюри мутлақ жаҳон чемпионлик жанги бекор қилинди

Бу ҳақда вазиятга яқин қатор нашрлар хабар бермоқда. Ушбу жангнинг 23 декабрь куни ўтказилиши кутилаётганди. Айрим хабарларга кўра, Фьюри бутунлай боксдан кетиб, фаолиятини якунлаши ҳам мумкин экан. Энди проф бокс корчалонлари Нганну - Уайлдер жангини ташкил этиш бўйича ҳаракатларни бошлашади. 

Маълумот учун, супероғир вазнда сўнгги бор 1999 йилда мутлақ чемпиони аниқланган эди. Ўшанда Леннокс Льюис ва Эвандер Холифильд ўзаро жанг ўтказишган ва унда Льюис очколар эвазига ғалаба қозониб, WBC, WBA ва IBF камарлари соҳибига айланганди. У пайтда ҳали WBO камари йўқ эди.