Усик Украина халқига ёрдам бериш учун эксклюзив футболкаларни сотувга чиқарди +ФОТО

Унинг савдосидан тушган маблағни Украина ҳалқи учун сарфламоқчи.

Боксчи инглиз тилида Hands off Ukraine ёзуви туширилган футболкани намойиш қилди.

"Украинадан қўлингни торт. Биз шошилинч ёрдамга муҳтож украиналикларни қўллаб-қувватлаш учун чекланган кийим сотувга қўйдик. Тушган барча даромад хайрия қилинади", - деб ёзади Усик Инстаграмида.

Эслатиб ўтамиз, Россия армияси Украинага бостириб кирганидан сўнг Александр Усик Киев вилоят мудофааси сафига қўшилганди.