05 ноя 13:48
Янгиликлар
Бокс/ММА
Усик: "WBC камарини олмагунимча ҳеч ким билан жанг қилмайман"
Супер оғир вазн тоифасида WBA, WBO, IBF ва IBO чемпиони Александр Усик британиялик Тайсон Фьюри билан мутлақ жаҳон чемпионлик жангини исташини айтди.
"Ҳозир жамоам Фьюри билан гаплашиш имкониятини қидирмоқда. У нима қилишини олдиндан айтиб бўлмайди. Фьюри ҳозирча жанг қачон бўлишини айтишга тайёр эмас. Мен февраль ёки март ойининг бошида жанг қилишни режалаштирган эдим. Мен эътиқодли христианман ва рўза пайтида жанг қилмайман. Шунинг учун жанг рўзадан олдин ёки кейин бўлиши керак.
Фьюри билан жанг қилиб, унинг камарини қўлга киритмоқчиман. WBC камарини олмагунимча ҳеч ким билан жанг қилмайман. Ташкилотчилар қаерда кўпроқ пул ишлаши мумкинлигини аниқлашга ҳаракат қилмоқда. Шахсан мен Украинада жанг қилишни хоҳлайман. Лекин, жой танламайман, шунинг учун охир-оқибат жанг Саудия Арабистонида бўлади деб ўйлайман", - дея Усикнинг сўзларини келтиради BoxingScene.
Ҳавола :
Манба : championat.com
Фикрлар