Усик WBO`дан мажбурий ҳимоя муддатини кечиктиришни сўради

Украиналик чемпиони Жозеф Паркерга қарши чемпионлик камарини мажбурий ҳимоя қилиш муддатини кечиктиришни сўраган. Бу ҳақда Паркернинг манфаатларини ҳимоя қилувчи промоутер Фрэнк Уоррен маълум қилди.

"Тахминан бир ой олдин WBO вақтинчалик чемпионлик унвонига эга бўлган Жозеф Паркер Александр Усик билан жанг ўтказиши кераклигини тасдиқлаган эди. Кеча украиналик ҳимоя муддатини узайтиришни сўраб хат юборди, чунки у жароҳат олган... Аммо воқеалар ривожи қандай бўлишидан қатъи назар, агар Усик чемпионликдан воз кечса, Жозеф Паркер чемпион бўлиши аниқ", - деди Уоррен Sky Sports эфирида.  

Эслатиб ўтамиз, WBO тахминан уч ҳафта олдин Усикдан Паркер билан музокара бошлашни талаб қилиб, томонларга келишувга эришиш учун 30 кун муҳлат берганди. Бу муддат келаси ҳафта тугайди.