Усман Нурмагомедов ирландиялик рақибини иккинчи бор мағлуб этди, Мирафзалда баҳсли ғалаба. PFL Dubai турнирининг барча натижалари бир саҳифада

Мусобақанинг марказий жангида енгил вазн тоифасининг россиялик амалдаги чемпиони Усман Нурмагомедов ирландиялик Пол Хьюзга қарши октагонга кўтарилди ва ҳакамларнинг якдил қарори эвазига ғалаба қозонди.

Турнир доирасида ўзбекистонлик ярим ўрта вазнли аралаш якка кураш устаси Мирафзал Аҳтамов бразилиялик Луан "Пантеринья" Сардинья билан баҳс олиб бориб, ҳакамлар қарорига кўра ғолиб деб топилди. Шундай бўлса-да, нуфузли ММА нашрлари ва мухлислар бу жангда Сардинья зафар қучганини тахмин қилишди.

Мусобақа тўлиқ натижалари қуйидагича:

Енгил вазнда чемпионлик жанги: Усман Нурмагомедов Пол Хьюзни ҳакамларнинг якдил қарори эвазига мағлуб этди (50-45, 49-46, 48-47)

Ярим оғир вазнда чемпионлик жанги: Кори Андерсон Довлетжан Ягшимурадовдан ҳакамларнинг якдил қарори эвазига устун келди (49-45, 49-45, 48-47)

Серхио Петтис Магомед Магомедовни нокаут орқали таслим этди (2 Раунд, 4:31)

Арчи Колган Жей-Жей Уилсонни ҳакамларнинг якдил қарори билан мағлуб этди (30-27, 30-27, 29-28)

Жек Картрайт Каолан Логрэнни ҳакамларнинг якдил қарори орқали таслим қилди (29-28, 29-28, 29-28)

Пуйя Рахмани Слим Трабелсини техник нокаут билан мағлубиятга учратди (1 Раунд, 2:47)

Флорим Зендели Омар Эль Дафравини ҳакамларнинг якдил қарори билан ютди (29-28, 29-28, 29-28)

МИРАФЗАЛ АҲТАМОВ Луан Сардиньядан ҳакамлар қарорига кўра устун келди (28-29, 29-28, 29-28)

Такеши Идзуми Винисиус Саккелли Сенсини ҳакамларнинг якдил қарорига кўра мағлуб этди (30-27, 29-28, 29-28)

Маккаширип Зайнуков Жон Митчеллни ҳакамларнинг якдил қарорига кўра таслим этди (30-26, 29-28, 29-28)

Жаррах Аль-Силави Грегори Бабенни очколар ҳисобига кўра ютди (28-29, 29-28, 30-27).