Усман Нурмагомедов: "Хабиб спорт залидан ҳайдаб юбориши мумкин"

Енгил вазн тоифасида Bellator жангчиси Усман Нурмагомедов UFC собиқ чемпиони Хабиб Нурмагомедов раҳбарлигида машғулотлар қандай ўтишини айтиб берди.

"Хабиб билан бирга бўлсангиз, дам олишга вақтингиз бўлмайди. Сизда доимий машғулотлар мавжуд бўлади ва сиз дам олмайсиз. Агар у сустлашаётганингизни кўрса, сизни залдан чиқариб юбориши мумкин. Агар дам олмоқчи бўлсангиз, уйингизга боринг, ўша ерда дам олинг, дейди. Спорт залида эса машқ қилиш кераклигини уқтиради", - деди Усман.

Эслатиб ўтамиз, Усман Нурмагомедов 18 ноябрь куни Патрики Фрейрага қарши чемпионлик жангида октагонга чиқади.