13 май 11:56
Янгиликлар

Бокс/ММА

Усман Нурмагомедовнинг Bellator Гран-приси 1/2 финалидаги рақиби аниқланди

Енгил вазнда амалдаги Bellator промоушени чемпиони Усман Нурмагомедовнинг Гран-при ярим финалидаги рақиби маълум бўлди.

Кеча Париж шаҳрида ўтказилган Bellator 296 турнирида ушбу вазннинг собиқ чемпиони Брент Примус Мансур Барнауини ҳакамларнинг якдил (48-47, 48-47, 48-47) қарори билан мағлубиятга учратиб, Усманнинг рақибига айланди.

Эслатиб ўтамиз, 25 ёшли Усман Нурмагомедов ўтган йилнинг ноябрь ойида эндиликда собиқ Bellator чемпиони Патрики Фрейрени мағлубиятга учратиб, бразилияликнинг камарини тортиб олган эди.

Шу йилнинг мартида Усман Гран-при 1/4 финалида собиқ UFC ва WEC чемпиони Бенсон Хендерсонни биринчи раунднинг ўзида бўғиш усули билан таслим этиб, 1/2 финалга йўл олган ва шу билан бирга камарини ҳимоя қилганди.