“Uzbek Tigers” - “Venesuela Caciques”. Боксчиларимиз ТерДУда шуғулланишяпти

Ҳозирда чарм қўлқоп усталаримиз Марат Қурбонов, Раҳматжон Рўзиохунов, Тўлқин Қиличев каби тажрибали мураббийлар қўл остида эртанги муҳим жангларга тайёргарлик кўришяпти. Машғулотлар Термиз Давлат Университети спорт зали ҳамда “Алпомиш” спорт мажмуаларида бўлиб ўтмоқда. 

Ҳозиргина Венесуэла жамоаси делегацияси самолётда Тошкентдан Термизга етиб келди. Бир неча дақиқа аввал боксчиларимиз буюк бобокалонимиз Ал-Ҳаким Ат-Термизий қадамжосини зиёрат қилишди. 

Эслатиб ўтамиз, Ўзбекистон ва Венесуэла боксчилари ўртасидаги тўқнашувлар “Алпомиш” спорт мажмуасида ўтказилиади ва соат 19:00да бошланади. Бокс мухлислари жами 10та жангга гувоҳ бўлишади. Дастлабки бешта жангдан сўнг орада ярим соатлик танаффус бўлади. 

Бугун соат 15:00да боксчилар ва уларнинг мураббийлари иштирокида матбуот анжумани ҳамда чарм қўлқоп усталарини тарозидан ўтказиш маросими ўтказилади. 

Бокс. Бутунжаҳон бокс серияси 

7 апрель. Термиз. "Алпомиш" спорт мажмуаси

С1

-49кг: Нодир Мирзааҳмедов - Луис Подарки

-56кг: Шаҳобиддин Зоиров - Йоэль Финиш

-64кг: Алиёр Норалиев - Кристиан Паласио

-75кг: Исроил Мадримов - Эндрю Сааведра

-91кг: Санжар Турсунов - Алберт Рамирес

С2

-52кг: Жасурбек Латипов - Хесус Рохас

-60кг: Шунқор Абдурасулов - Луис Кабрера

-69кг: Маҳмуд Ғоипов - Габриэль Маэстре

-81кг: Бектемир Мелиқўзиев - Налек Корбаж

+91кг: Баҳодир Жалолов - Жордан Эрнандес