Uzbekistan Team Жамоавий блиц жаҳон чемпионатида 1/4 финалга чиқди

Мукофот жамғармаси 310 минг еврони ташкил этувчи ушбу нуфузли мусобақада 40 дан ортиқ жамоа таркибида 300 нафардан зиёд шахматчи чемпионлик учун курашяпти. Жамоавий жаҳон чемпионатида Ўзбекистон иккита жамоа билан иштирок этаётгани ҳақида хабар берган эдик. Саралаш баҳсларини муваффақиятли якунлаб, тўртинчи ўрин билан плей-оффга йўл олган иккинчи жамоамиз - "Sky Chess Team" 1/8 финалда Mr Birdie and friends жамоасига 0:4 ҳисобида имкониятни бой бериб, мусобақадаги иштирокини якунлади. 

Етакчи гроссмейстерларимиздан таркиб топган Uzbekistan Team эса саралаш баҳларини иккинчи ўринда якунади. Шахматчиларимиз 1/8 финалда Озарбайжоннинг Odlar Yurdu жамоаси 3:1 ҳисобида таслим этилди. 

Бугун чорак финалда Uzbekistan Team блиц бўйича амалдаги жаҳон чемпиони, Магнус Карлсен бошчилигидаги WR Chess жамоасига қарши баҳс олиб боради. Бу икки жамоа рапид баҳсларида ҳам ўзаро тўқнаш келган ва унда 3:3 ҳисобидаги жанговар дуранг натижа қайд этилганди. Ўшанда Жавоҳир Синдаров биринчи доскада қора доналарда ўйнаганига қарамай Магнус Карлсенни мағлубиятга учрата олганди. 

Uzbekistan Team жамоаси таркиби:

Жавоҳир Синдаров (GM, 2718)

Нодирбек Абдусатторов (GM, 2703)

Нодирбек Якуббоев (GM, 2569)

Шамсиддин Воҳидов (GM, 2527)

Муҳиддин Мадаминов (GM, 2500)

Афруза Ҳамдамова (WGM, 2358)

Умида Омонова (WGM, 2276)

Акжол Раҳматуллаев (1600)

Жамоа сардори — Рустам Қосимжонов.

Sky Chess Team

Шант Саргсян (GM, 2616)

Эндрю Хонг (GM, 2557)

Арам Ҳакобян (GM, 2542)

Муҳаммадзоҳид Суяров (IM, 2405)

Гулруҳбегим Тоҳиржонова (IM, 2314)

Раҳмонқул Сулаймонов (1786)

Асқаржон Исмоилов (1400)

Жамоа сардори — Ҳулкар Тоҳиржонова.