UzChess Cup. Бешинчи тур жуфтликлари ва турнир жадваллари билан танишинг

Иккинчи бор ташкил этилаётган UzChess Cup турнири Masters, Challengers ва Futures гуруҳларида ўтказилмоқда. Кучлилар жам бўлган Masters гуруҳининг 5-турида турнир жадвалида 3 очко билан пешқадамлик қилаётган Нодирбек Абдусатторов 1,5 очко билан 6-ўринни эгаллаб турган ҳиндистонлик гроссмейстер Аравиндҳ Читтамбарамга қарши оқ доналарда ўйнаяпти. 

Қўшимча кўрсаткичларга кўра 3 очко билан 2-ўриндан жой олган ҳиндистонлик Рамешбабу Праггнанандҳа қора доналарда эронлик Парҳам Мақсудлу билан ҳисоб-китоб қиляпти. Ўтган турда мағлубият аламини тотиб кўрган Жавоҳир Синдаров оқ доналарда венгриялик Ричард Раппорт билан учрашмоқда. Ҳамюртларимиз Нодирбек Якуббоев россиялик жаҳон чемпиони Ян Непомняший, Шамсиддин Воҳидов эса ҳинд Аржун Эргаиси билан ўйнаяпти. 

UzChess Cup. Masters гуруҳи. 5-тур жуфтликлари

Парҳам Мақсуду — Рамешбабу Праггнанандҳаа 

Ян Непомняший — Нодирбек Якуббоев — 

Нодирбек Абдусатторов — Аравиндҳ Читамбарам  

Шамсиддин Воҳидов — Аржун Эригаиси 

Жавоҳир Синдаров — Ричард Раппорт 

Challengers гуруҳида 4-турдан сўнг грециялик Николас Теодороу ҳамда америкалик Ҳонг Эндрю 3,5 тадан очко жамғариб, қўшҳокимлик қилишяпти. Ҳамюртимиз Муҳиддин Мадаминов кечаги мағлубият эвазига 2,5 очко билан кучли учликка якун ясаган. Жаҳонгир Воҳидов ва швециялик Виталий Сивук ҳисобида 2 тадан очко бор. 

Бироз аввал бошланган 5-турда Муҳиддин Мадаминов ўзига хос ўзбек дербисида Муҳаммадзоҳид Суяровга қарши оқ доналарда баҳс олиб бормоқда. Тўртта турда 1 очкогина жамғарган Гулруҳбегим Тоҳиржонова 5-турда оқ доналарда пешқадам Теодороу билан ўйнаяпти. Жаҳонгир Воҳидов хитойлик Ма Кун, озарбайжонлик Нижат Абасов украиналик шахмат афсонаси Василий Иванчук синовидан ўтмоқда. 

UzChess Cup. Challengers гуруҳи. 5-тур жуфтликлари

Виталий Сивук — Эндрю Ҳонг  

Муҳиддин Мадаминов — Муҳаммадзоҳид Суяров 

Гулруҳбегим Тоҳиржонова — Николас Теодороу 

Жаҳонгир Воҳидов — Ма Кун  

Нижат Абасов — Василий Иванчук  

Futures гуруҳида 3,5 очко билан якка пешқадамлик қилаётган ҳамюртимиз Ортиқ Ниғматов 5-турда яна бир гроссмейстеримиз Абдумалик Абдисалимовга қарши қора доналарда ўйнаяпти. Иккинчи ўринда бораётган туркманистонлик Сапармират Атабаев ҳамюртимиз Ҳумоюн Бегмуратов билан муносабатларига ойдинлик киритиб олмоқда. 

UzChess Cup. Futures гуруҳи. 5-тур жуфтликлари

Клементи Сичев — Саидакбар Сайдалиев 

Сапармират Атабаев — Ҳумоюн Бегмуратов   

Роберт Рак — Евгений Алексеев  

Абдималик Абдисалимов — Ортиқ Ниғматов  

Алан Пичот — Борис Чаталбашев