UzChess Cup. Ниғматов пешқадам, Абдусатторовга таъқибчилар етиб олишди, 7-тур жуфтликлари ва турнир жадваллари билан танишинг

Кучлилар жам бўлган Masters гуруҳининг 7-турида турнир жадвалида 4 очко билан қўшимча кўрсаткичларга кўра учинчи ўрингга тушиб қолган Нодирбек Абдусатторов оқ доналарда эронлик Парҳам Мақсудлуга қарши баҳс олиб боряпти. Кечаги Нодирбек Якуббоевдан қабул қилиб олинган мағлубиятдан Абдусатторовнинг таъқибчилари унумли фойдаланиб қолишди. Парҳам 4 очко билан 2-ўринга кўтарилиб олди.  

Жавоҳир Синдаров билан дуранг ўйнаган ҳиндистонлик Аржун Эргаиси ҳам очколарини 4 тага етказиб, турнир жадвалида қўшимча коэфицентларга кўра пешқадамликни ўз қўлига олди. Синдаров айни дақиқаларда оқ доналарда ҳиндистонлик Аравиндҳ Читамбарам билан ҳисоб-китоб қиляпти. Дунёнинг бешинчи рақамли шахматчиси Аржун Эргаиси венгриялик Ричард Раппорт билан ўйнаяпти. 

UzChess Cup. Masters гуруҳи. 7-тур жуфтликлари

Ян Непомняший — Рамешбабу Праггнанандҳаа 

Нодирбек Абдусатторов — Парҳам Мақсуду 

Шамсиддин Воҳидов — Нодирбек Якуббоев

Жавоҳир Синдаров — Аравиндҳ Читамбарам 

Ричард Раппорт — Аржун Эригаиси  

Challengers гуруҳида 6-турдан сўнг грециялик Николас Теодороу пешқадамликни мустаҳкамлаб олди. Унинг ҳисобида 5 очко бор. Америкалик Эндрю Ҳонг 4 очко билан 2-ўринни банд этган. Ҳамюртимиз Муҳиддин Мадаминов 3,5 очко билан кучли учликка якун ясаган. Швециялик Виталий Сивук ва украиналик Василий Иванчук 3 очко билан кейинги ўринларда боришмоқда. Жаҳонгир Воҳидов ҳисобида 2,5 очко бор. 

Ҳозир ўтказилаётган 7-турда Муҳиддин Мадаминов Эндрю Ҳонгга қарши оқ доналарда ўйнаяпти. Гулруҳбегим Тоҳиржонова ҳам оқ доларада Виталий Сивук билан ҳисоб-китоб қилмоқда. Муҳаммадзоҳид Суяров ўзбек дербисида Жаҳонгир Воҳидов билан тўқнаш келган. Теодороу озарбайжонлик Нижат Абасовни синовдан ўтказмоқда. 

UzChess Cup. Challengers гуруҳи. 7-тур жуфтликлари

Муҳиддин Мадаминов — Эндрю Ҳонг 

Гулруҳбегим Тоҳиржонова — Виталий Сивук

Жаҳонгир Воҳидов — Муҳаммадзоҳид Суяров  

Нижат Абасов — Николас Теодороу    

Василий Иванчук — Ма Кун  

Futures гуруҳида 4,5 очко билан якка пешқадамлик қилаётган ҳамюртимиз Ортиқ Ниғматов 7-турда даниялик Борис Чаталбашевга қарши қора доналарда ўйнамоқда. Яна бир гроссмейстеримиз Абдумалик Абдисалимов ўзбек дербисида Ҳумоюн Бегмуратовга қарши баҳс олиб бормоқда. Қўшимча кўрсаткичларга кўра 3,5 очко билан иккинчи ўринда бораётган туркманистонлик Сапармират Атабаев ҳамюртимиз Саидакбар Сайдалиев билан тўқнаш келмоқда. 

UzChess Cup. Futures гуруҳи. 7-тур жуфтликлари

Сапармират Атабаев — Саидакбар Сайдалиев 

Роберт Рак — Клементи Сичев    

Абдималик Абдисалимов — Ҳумоюн Бегмуратов  

Алан Пичот —Евгений Алексеев 

Ортиқ Ниғматов — Борис Чаталбашев