UzChess Cup. Нодирбеклар баҳсда кутилмаган натижа, Синдаров Аржунга қарши, 6-турнинг барча натижалари битта хабарда

FIDE Circiut учун қимматли рейтинг очколари ўйналаётган ушбу халқаро турнирнинг 6-турида Нодирбек Абдусатторов бироз кутилмаганда яна бир гроссмейстеримиз Нодирбек Якуббоевга имкониятни бой бериб қўйди. Ҳиндистонлик Рамешбабу Праггнанандҳа ҳам бу турда мағлубият аламини тотиб кўрди. У оқ доналарда ўйнаганига қарамай, венгриялик Ричард Раппортга ютқазди.   

Турнинг қолган барча партияларида дуранг натижа қайд этилди. Жавоҳир Синдаров дунёнинг олтинчи рақамли шахматчиси Аржун Эргаиси билан қора доналарда дуранг ўйнади. Эронлик Парҳам Мақсудлу жаҳон чемпиони Ян Непомняший билан муросага келди. Бироз омадсиз ўйнаётган Шамсиддин Воҳидов ҳиндистонлик Аравиндҳ Читтамбарам билан очколарни бўлишиб олди.  

Турнирнинг Challengers гуруҳи 6-турида ўзига хос ўзбек дербиси кузатилди. Гулруҳбегим Тоҳиржонова қора доналарда Муҳаммадзоҳид Суяров билан дуранг ўйнади. Пешқадам Николас Теодороу ҳамюртимиз Жаҳонгир Воҳидовни таслим этди. Муҳиддин Мадаминов қора доналарда Виталия Сивук билан муросага келди. 

Futures гуруҳининг 6-турида пешқадам Ортиқ Ниғматов ғалабага эришди. У ангиялик Алан Пичотдан устун келди. Саидакбар Сайдалиев, Абдумалик Абдисалимов ва Ҳумоюн Бегмуратов бу турда рақиблари билан муросага келишди.