Узоқ кутилган кун келди! "Ҳумо" бугун ўз уйи — "Ҳумо Арена"да ўйнайди

Бу сафар тошкентликлар ўз ареналарида "Актобе" клубини қабул қилишади. Иккала кунги ўйинлар ҳам соат 19:30 да бошланади.

Аҳамиятлиси, жамоа катта танаффусдан сўнг яна "Ҳумо Арена"нинг асосий музида ўйин ўтказади. Бунгача "қанотлилар" рақибларини кичик аренада қабул қилиб келишаётганди. 

Жамоалар ҳозирга қадар ўн маротаба ўзаро баҳс олиб боришган бўлиб, 6 тасида "Ҳумо", 4 тасида "Актобе" зафар қучган.

Маълумот ўрнида, "Ҳумо" Қозоғистон чемпионатининг жорий йилги мавсумида ҳозирча 16 та ўйиндан кейин 21 очко билан 6, "Актобе" эса 14 очко билан 9-ўринни эгаллаб турибди.