28 мар 10:32
Янгиликлар

Бокс/ММА

Вадим Немков Bellator 297 турнирининг марказий жангида октагонга чиқади + ПОСТЕР

Яримоғир вазн тоифасида кечроқ муддатга қолдирилган Bellator чемпионлик камари учун жангнинг янги санаси маълум бўлди.

Унда амалдаги Bellator чемпиони, россиялик Вадим Немков расмий даъвогар Йоэль Ромерога қарши октагонга чиқади. Ушбу чемпионлик жанги 16 июнь куни АҚШнинг Чикаго шаҳрида ўтказилади ҳамда Bellator 297 турнирининг марказий тўқнашуви бўлади.

Оқшомнинг Co-main event жангида ҳам чемпионлик мақомида бўлади. Унда ярименгил вазнда Bellator чемпиони, промоушеннинг вазн тоифасидан қатъий назар энг яхши жангчиси Патрисио "Питбуль" Фрейре енгил вазн тоифаси чемпиони Сержио Петтисга қарши бирлаштирувчи чемпионлик жангида октагонга кўтарилади.

Эслатиб ўтамиз, ўтган йилнинг ноябрь ойида Вадим Немков яримоғир вазн тоифасида Гран-при ғолибига айланганди. У финал жангида Кори Андерсонни очколар ҳисобига кўра мағлубиятга учратган эди. Йоэль Ромеро эса Алекс Полиззи ва Мелвин Манхуфларни нокаутга учратганди.

Аслида Немков - Ромеро жанги 4 февраль куни Инглвуддаги Bellator 290 турнири доирасида ўтказилиши керак эди. Аммо тайёргарлик учун вақтнинг камлиги сабабли россиялик чемпионнинг жамоаси ташкилотдан жанг санасини кейинроққа кўчиришни сўраганди.