23 июл 14:06
Янгиликлар

Футбол

"Валенсия" 20 ёшли Гильямон билан шартномани узайтирди

Уго Гильямон жорий йилнинг февраль ойида "Валенсия"да дебют қилган эди.

"Валенсия" ва марказий ҳимоячи Уго Гильямон шартномани узайтириш борасида келишувга эришишди.

"Кўршапалаклар"нинг 20 ёшли Гильямон билан тузган янги шартномаси 2023 йилнинг ёзига қадар мўлжалланган. Футболчининг товон пули эса 80 миллион еврони ташкил этади.

Футболчи жорий мавсум "Валенсия"нинг асосий жамоасида 6та ўйинда майдонга тушди. Гильямон ўтган йили Испаниянинг 19 ёшгача бўлган терма жамоаси таркибида Европа чемпионига айланган эди.