25 окт 09:07
Янгиликлар

Бокс/ММА

Вақтинчалик чемпионлар жанги: Паркер рақибидан 9 кг оғирроқ тош босди

Лондонда супероғир вазн тоифаси вакиллари - Жозеф Паркер ва Фабио Уордли ўртасидаги жанг олдидан расмий вазн ўлчаш маросими бўлиб ўтди.

Янги зеландиялик Паркер 119 килограмм, англиялик Уордли эса 110,1 килограмм натижа қайд этди.

Маълумот учун, Жозеф супероғир вазн тоифасида вақтинчалик WBO чемпиони ҳисобланади. Фабио эса WBA йўналишида худди шундай унвонга эга. Лондондаги жанг ғолиби мутлақ жаҳон чемпиони Александр Усикнинг навбатдаги рақиби бўлиши кутилмоқда.