Вазир Бухородаги спорт иншоотларининг табиат ҳодисасидан кейинги ҳолати билан танишди

Ўзбекистон Республикаси Жисмоний тарбия ва спорт вазири Дилмурод Набиев Бухоро вилоятига хизмат сафари чоғида вазирлик тизимидаги спорт иншоотларининг ҳозирги ҳолати билан яқиндан танишди.

Д.Набиев Бухоро вилояти жисмоний тарбия ва спорт бошқармаси ходимлари билан биргаликда ҳудуддаги спорт обьектларида бўлди. Шу ернинг ўзида вазир томонидан кучли шамол натижасида зарар кўрган бинолар кўздан кечирилиб, талофатнинг оқибатларини бартараф этиш бўйича зарур чоралар кўриш бўйича кўрсатмалар берилди.

Карантин даври тугаши билан мазкур иншоотларда яна спорт машғулотлари ва мусобақалар ўтказилиши бошланади. Шу боис табиий офат натижасида зарар кўрган бинолар ҳолати тўлиқ ўрганилиб, уларни бартараф этиш юзасидан қайта реконструкция ишлари бошлаб юборилди.