Вазирликда “Коррупция ва комплаенс назорат” мавзусида ўқув курси ташкил этилди

Йиғилишда берилган топшириқларнинг ижросини таъминлаш мақсадида, жорий йил 13 октябрь куни Жисмоний тарбия ва спорт вазирлиги ҳамда Адлия вазирлиги қошидаги Юристлар малакасини ошириш маркази ҳамкорлигида Жисмоний тарбия ва спорт вазирлиги тизимидаги ташкилот ва муассасалар раҳбарлари учун “Коррупция ва комплаенс назорат” мавзусида ўқув курси ведеоконференция шаклида ташкил этилди.

Унда вазирлик тизимида фаолият юритаётган 200 дан зиёд раҳбар кадрлар иштирок этди. Ўқув курси давомида Юристлар малакасини ошириш маркази профессор-ўқитувчилари томонидан Ўзбекистон Республикаси Коррупцияга қарши курашиш сиёсатининг мазмун-моҳияти, Коррупцияга қарши кураш тўғрисидаги қонун хужжатлари: халқаро стандартлар ҳамда миллий қонунчилик, Коррупцияга оид хуқуқбузарликлар учун жавобгарлик, Давлат органлари фаолиятида “комплаенс назорат” тизимини таъминлаш механизмлари каби мавзулар бўйича маърузалар қилинди.

Шунингдек, ўқув курсида аҳолининг ҳуқуқий саводхонлигини ўсиши коррупцияга қарши курашда муҳим аҳамиятга эга эканлиги, ҳуқуқий саводхонликнинг етишмаслиги коррупциянинг келиб чиқишига сабаб бўлаётганлиги алоҳида таъкидлаб ўтилди.

Ўқув курси якуни бўйича тингловчилар ўзларини қизиқтирган саволларга тегишли жавоб олдилар.