"Верхувеннинг Усик устидан ғалабаси деярли имконсиз" - промоутер

"Қоғозда қараганда, Рико Верхувеннинг ғалабаси — забт этиш имконсиз бўлган тоғ. Йўқ… бошқача айтсам, оддий инсон учун. Аммо у эришган натижаларининг сабаби — у оддий инсон эмас.

Александр Усик нафақат бу авлоднинг энг буюк жангчиларидан бири, балки меҳнаткашлик ва фикрлаш жиҳатидан ёш спортчилар учун ҳам энг яхши намуна. Усик ва унинг жамоасига Энтони Жошуага ушбу йиғинда иштирок этиш имконини бергани учун миннатдорчилик билдираман.

Мен яқиндан кўрган нарса — унинг нега ҳали ҳам мағлуб бўлмагани ва спорт чўққисида турганининг сабаби. Эртага кечқурун қўллари оддий инсоннинг сонидек катта бўлган бу одам, очиғи, бокс тарихидаги энг катта сенсациялардан бирини амалга ошириш имкониятига эга бўлади.

Балки, унинг ўзи учун бу унчалик катта воқеа эмасдир. Лекин қоғозда шундай бўлади. Айтаманки, агар қандайдир драматик ёки ғалати воқеа юз бериши керак бўлса, у айнан Миср пирамидалари ёнида содир бўлади", — деди Хирн ESPN’га.