Вейли Чжан Валентина Шевченко билан жанг қилишга тайёр

Хитойлик аралаш яккакураш устаси енгил вазн чемпиони Валентина Шевченкога "вызов" ташлади. 

"Ҳа, мен Валентина Шевченко билан жанг қилишни хоҳлайман. Бошқа савол йўқ. Мен бу ҳақда икки йил олдин ўйлаганман. Бизнинг вазн тоифамиз бир-бирига жуда яқин. Унинг камарини тортиб ола биламанми? Буни билмадим, лекин бир нарсани сизга кафолат бера оламан. Сиз ҳақиқий фейерверкдан баҳраманд бўласиз. Натижадан қатъий назар, жанг шунчаки даҳшатли бўлади", - деди Чжан. 

Эслатиб ўтамиз, Вейли 12 ноябрь куни Нью-Йоркда бўлиб ўтган UFC 281 турнирида Карла Эспарзани иккинчи раундда бўғиш усули билан мағлубиятга учратган ва камарини қайтариб олганди. Валентина Шевченко эса сўнгги жангини шу йилнинг июнь ойида Таила Сантосга қарши ўтказиб, очколар ҳисобига кўра зафар қучган.