VI Ислом бирдамлиги ўйинлари. Эрон Ўзбекистон билан ўртадаги "тилла" фарқини қисқартирди (Тўлиқ жадвал)

Ўтган куни 13 та медаль қўлга киритгандик, кеча 4 та. Медаллар жамғариш бўйича Туркия терма жамоаси ҳамон жуда катта фарқ билан пешқадамлик қилмоқда. Турк қардошларимиз 68 та олтин, 42 та кумуш, 30 та бронза, жами 140 та медаль қўлга киритиб улгуришди. Кечаги баҳсларда улар 10 та медалга эга чиқишди.   

Иккинчи ўрин учун кураш Ўзбекистон ва Эрон спорт делегациялари орасида кечмоқда. Кечаги кун якунида Эрон ўртадаги олтин медаллар тафовутини 1 тага қисқартирди - биз форсларга қараганда 5 та олтин кўп жамғарганмиз. Кумуш ва бронза медалларимиз ҳам улардан кўп. 

Ўзбекистон делегацияси 26 та олтин, 30 та кумуш, 26 та бронза, жами 82 та медаль жамғариб, 2-ўринни мустаҳкам банд этган. Эрон делегацияси ҳисобида 21 та олтин, 18 та кумуш, 26 та бронза, жами 64 та медаль бор. Миср, Баҳрайн, Қозоғистон, Саудия Арабистони, Марокаш, Нигерия ва Озарбайжон терма жамоалари Топ-10`таликдан жой олган. 

Марказий Осиё давлатларининг медаллар жамғариш бўйича ўрни: 

2. Ўзбекистон — 26 та олтин, 30 та кумуш, 26 та бронза

6. Қозоғистон — 11 та олтин, 15 та кумуш, 17 та бронза

20. Қирғиз Республикаси — 1 та олтин, 4 та кумуш, 6 та бронза

25. Афғонистон — 1 та олтин, 1 та кумуш, 1 та бронза

27. Тожикистон — 2 та кумуш, 3 та бронза

Туркманистон ҳали медаль олмаган.