15 окт 09:06
Янгиликлар

Бокс/ММА

Виктор Пасильяc Муроджон Аҳмадалиевни нишонга олди

"Prince Ranch Boxing"нинг енгилмас боксчиси Виктор Пасильяc (16-0, 9 КО) охирги жангини ажойиб нокаут билан якунлагандан сўнг, навбат чемпионлик жангига келганини таъкидлади.

Пасильяc чемпионлар билан камар учун жанг қилишни хоҳлайди, унинг асосий нишонларидан бири - Муроджон Аҳмадалиев. Энг енгил вазн тоифасида IBF ва WBA камарлари соҳиби бўлиб турган Муроджон Аҳмадалиев АҚШда "M.J" номи билан жуда машҳур.

"Мен бокс оламидаги энг катта сирман, менинг жамоам ва яқинларим нимага қодирлигимни яхши билишади. Мен чемпионлик сари кетаяпман. Албатта, "M.J" дан ҳамма қўрқади. Мен эса у билан жанг қилишни хоҳлайман. Ҳеч ким уни жангга чорлай олмайди, лекин мен бу ишни қиламан. Мен уни йўлдан олиб ташлайман", - деди Виктор Пасильяc.