30 апр 09:26
Янгиликлар

Бокс/ММА

Владимир Кличко: “Жошуа бугун мендан яхшироқ эди”

Украиналик боксчи Владимир Кличко супероғир вазн тоифасида IBF чемпиони британиялик Энтони Жошуадан учралган мағлубиятига изоҳ берди.

“Мухлислар ажойиб жанг гувоҳига айланишди. Бугун ҳақиқий жентльменлар рингда тўқнаш келишди. Тан оламан, бугун Жошуа мендан кучлироқ эди. Кучли зарба ўтказиб юборганига қарамай, ўзида ўрнидан туришга куч топа олди”, - деди Кличко.

Эслатиб ўтамиз, кеча оқшом Лондон шаҳридаги “Уэмбли” стадионида 90 000 мухлис кўз ўнгида ўтган чемпионлик жангида британиялик боксчи 11-раундда техник нокаут эвазига ғалаба қозонган эди.