Волкановски Махачевдан учраган мағлубиятга изоҳ берди

Махачев кеча оқшом Абу-Дабидаги турнирнинг марказий жанги биринчи раундидаёқ ярим енгил вазн тоифаси чемпионини кучли ва аниқ оёқ зарбаси эвазига мағлуб этганди.

"Ажойиб зарба. Бу мағлубият, у ҳар доим қийин бўлган. Ислам ажойиб чемпион. Лекин мен ҳали қайтаман. UFC'га шуни айтмоқчиманки, мен бўш қолишни ёмон кўраман. Январь ойида қайтсам хурсанд бўламан. Исламни ҳурмат қиламан. Мен фақат тез-тез жанг қилиб туришни истайман", - деди Волкановски.

Махачевдан қабул қилинган мағлубият 35 ёшли Волкановскийнинг UFC'да иккинчиси ва профессионал фаолиятидаги учинчиси бўлди. Иккита мағлубиятини айнан Исламдан қабул қилиб олган.