Волкановски: "Махачевдан зўрлигимни исботладим ва P4P рейтингида биринчиман"

"Мен жангчи сифатида Махачевдан зўрлигимни ва P4P рейтингида биринчи эканлигимни исботладим. У ҳатто ўз бурчагидагиларга реванш ўтказиш лозимлиги ҳақида гапирди. У ютқаздим демади, аммо реванш ҳақида, балки менинг қўлимни кўтаришади деб ўйлаб гапирди. Яна бир жанг бўлиши унга боғлиқ. 

Махачев ушбу ғалаба кўпчиликда ёқимсиз таассуротлар олиб келганини тушуняпти. Мен бундай вазиятга тушганман ва бунинг нима эканлигини биламан. У мухлислар хато қилаётганини исботламоқчи. Унинг ўрнида бўлганимда мен ҳам шундай қилардим. Мени бундай ғалаба қониқтирмасди. Агар у реваншни рад этса, нима сабабдан эканлигини биламиз", - деди Волкановски.