16 янв 14:49
Янгиликлар
Бокс/ММА
Волкановскининг рақиби ким бўлади? Бу саволга UFC президенти жавоб берди
Хабарингиз бор, эртага бизнинг вақт билан тонгда Абу-Даби шаҳрида 2021 йилдаги илк UFC кечаси бўлиб ўтади.
Кечанинг марказий жангида ярим енгил вазн тоифасида собиқ UFC камари соҳиби Макс Холлоуэй Келвин Каттарга қарши октагонга кўтарилади. Жанг ғолиби вазн чемпиони Алекс Волкановскига қарши баҳс олиб бориш имкониятини қўлга киритади. Бу ҳақида ташкилот раҳбари Дэна Уайт маълум қилди.
Холлоуэй сўнгги иккита жангини айнан Волкановискига қарши ўтказиб, ҳар иккисида ҳам мағлуб бўлган эди. Каттар эса 2019 йилда Забит Магомедшариповга ютқазганидан сўнг иккита жангда ғалаба қозонди.
Эслатиб ўтамиз, бу вазн тоифасида айнан Забит Магомедшарипов ҳам иштирок этади ва бир неча йилдан буён камар учун даъвогар бўлиб қолмоқда.
Ҳавола :
Манба : championat.com
Фикрлар