31 окт 17:03
Янгиликлар
Бокс/ММА
WBA: Иноуэ - Гудман жанги ғолиби Аҳмадалиев билан тўқнаш келиши лозим
WBA мутлақ жаҳон чемпиони Наоя Иноуэга Муроджон Аҳмадалиев билан мажбурий ҳимоя жангини ўтказиш учун муддатни чўзди.
Фақат ташкилот бунинг учун боксчи олдига шартлар қўйган.
21 декабрь куни ўтказиладиган Наоя Иноуэ ва Сэм Гудман ўртасидаги жанг ғолиби (дуранг бўлган тақдирда Иноуэ) Аҳмадалиев билан (агар Муроджон 14 декабрь куни Эспиноза Франкони мағлуб этса) жанг қилиши керак.
Жанг Иноуэ - Гудман тўқнашувидан сўнг 120 кун ичида бўлиши лозим. Жангдан сўнг ғолиб WBAга Аҳмадалиев билан жанг масаласида мурожаат қилиши лозим. Бу мажбурият бажарилмаслиги WBA камаридан маҳрум қилинишига олиб келади.
Эслатиб ўтамиз, Аҳмадалиев 14 декабрь куни рейтингда 13-ўринни эгаллаб турган Эспинозага қарши вақтинчалик WBA камари учун жанг ўтказади.
Ҳавола :
Манба : Worldofboxing
Фикрлар