World Boxing Кубоги. Икки боксчимиз финалда, учинчисида бронза!

Ушбу нуфузли мусобақада Элшод Расулов мураббийлигидаги Ўзбекистон терма жамоасининг тўрт нафар боксчиси ҳимоя қилаётганди. Улардан -51 кг вазнда юртимиз шарафини ҳимоя қилган Феруза Казакова германиялик Макси Клозега 0:5 ҳисобида имкониятни бой бериб, турнирдаги иштирокини медалсиз якунлади. 

Қолган уч боксчимиз Бразилиядан медаль билан қайтадиган бўлди. -48 кг вазн тоифасидаги боксчимиз Фарзона Фозилова 1/2 финалда испаниялик Марта Лопезни 5:0 ҳисобида мағлубиятга учратиб, финалга йўл олди. Ўзбекистоннинг 2025 йилдаги энг яхши аёл спортчиси Навбаҳор Ҳамидова муросасиз кечган 1/2 финал жангида англиялик Сача Хискейни қийинчилик билан 3:2 ҳисобида таслим этди. 

Афсуски, оғир вазндаги чарм қўлқоп устамиз Жаҳонгир Зокиров 1/2 финалда арманистонлик тажрибали рақиб Давид Чалоянга 2:3 ҳисобида имкониятни бой бериб, Жаҳон Кубогидаги иштирокини бронза медали билан якунлайдиган бўлди.