World Boxing ташкилоти кубогини 5 та медаль билан якунладик

Мусобақада иштирок этган Элшод Расулов бошчилигида Ўзбекистон аёллар терма жамоаси 1 та олтин ва 4 та бронза медалига эга чиқди. -65 кг вазнда юртимиз шарафини ҳимоя қилган Навбаҳор Ҳамидова шоҳсупанинг энг юқори поғонасига кўтарилди. 

У финал жангида Олимпиада чемпиони, уч карра жаҳон чемпиони, туркиялик Бусеназ Сурменелини 5:0 ҳисобида мағлубиятга учратди. Бу билан Навбаҳор жаҳон чемпионати финалидаги мағлубият учун Бусеназдан реванш олди. Ҳамидова World Boxing кубогида чемпионликка эришган биринчи ўзбек аёл боксчиси бўлди.   

Ғолиб ва совриндорларимиз:

Олтин медаль

-65 кг. Навбаҳор Ҳамидова

Бронза медаллар

-54 кг. Феруза Казакова

-75 кг. Азиза Зокирова

-80 кг. Соҳиба Рўзметова

+80 кг. Олтиной Сотимбоева

Мураббийлар: Элшод Расулов, Фернандез Хименез Барбаро, Ислом Таджибаев, Истам Кабинов. 

Шифокор: Комилжон Расулов.