World Boxing. Тўрт боксчимиз финалда! Зокиров қозоғистонлик рақибига имкон бермади

Мусобақанинг тўртинчи кун дастурида 5 нафар боксчимиз 1/2 финал жангларида рингга чиқди. Париж-2024 Олимпиадаси иштирокчиси Тўрабек Ҳабибуллаев (-90 кг) ҳиндистонлик Вишалга ҳеч қандай имконият қолдирмади - 5:0. Энг оғир (+90 кг) вазндаги чарм қўлқоп устамиз Жаҳонгир Зокиров қозоғистонлик Даниял Сапарбайдан 5:0 ҳисобида устун келди. 

Боксчиларимизнинг ярим финалдаги иштирокини бошлаб берган Мадияр Данияров (-60 кг) мезбон боксчи Луис Оливейрага имкониятни бой бериб қўйди ва бронза медалига сазовор бўлди. Асилбек Жалилов (-50 кг) ҳиндистонлик Жадумани Манденгбамни, Фазлиддин Эркинбоев (-75 кг) польшалик Михал Ярлинскини таслим этиб, финалга йўл олди. 

Боксчиларимиз иштирокидаги жанглар натижаси:

-60 кг: Мадияр Данияров – Луиз Оливейра (Бразилия) 1:4

-90 кг: Тўрабек Ҳабибуллаев – Вишал (Ҳиндистон) 5:0

-50 кг: Асилбек Жалилов – Жадумани Манденгбам (Ҳиндистон) 3:2

-75 кг: Фазлиддин Эркинбоев – Михал Ярлински (Польша) 4:1

+90 кг: Жаҳонгир Зокиров – Даниял Сапарбай (Қозоғистон) 5:0