World MMA Awards йилнинг энг яхшиларини эълон қилди

Лас-Вегас шаҳрида ўз тарихида 16-маротаба ўтказилган премияда номинация ғолиблари очиқ сўровнома натижаларига кўра аниқланди. Яримоғир вазнда амалдаги UFC чемпиони Алекс Перейра ММА оламидаги энг нуфузли World MMA Awards номинациясига кўра, 2024 йилнинг "Энг яхши жангчиси" деб топилди. Бразилиялик чемпион сўровномада ватандошлари Александр Пантожа ва Хенан Феррейра, шунингдек ЖАР вакили Дрикус Дю Плесси ҳамда россиялик Ислам Махачевни ортда қолдирди.

Аёллар ўртасида "Йил жангчиси" сифатида биринчи енгил вазнда UFC чемпиони Вейли Чжан ғолиб бўлди. "Йилнинг интернационал жангчиси" номинациясида ўрта вазн UFC чемпиони Дрикус Дю Плесси тенгсиз бўлди.

Олтин статуэткалар сони бўйича рекордчилар сифатида Макс Холлоуэй ва Том Аспиналл эътироф этилди. Уларнинг ҳар иккиси 2024 йилги мавсум якунлари бўйича иккитадан совринга эга чиқди. Америкалик Холлоуэй ҳамюрти Жастин Гэтжига қарши "Йил жанги" ва "Йил нокаути", британиялик эса "Йил қайтиши" ва "Йил кашфиёти" номинацияларида ғолиб бўлди. 

"Йил сабмишени" ғолиби сифатида ярименгил вазн тоифаси рейтингида учинчи ўринни эгаллаб турган бразилиялик Диего Лопес эълон қилинди. У Гэвин Такерга қарши жангда чиройли ғалабага эришганди. "Йил апсети" сифатида Шон Стрикленд тан олинди. У Исраэль Адесаньяга қарши кечган жангда очколар ҳисоби бўйича кутилмаган ғалабани қўлга киритганди.