Worldtaekwondofederation.net Шокинни фаворит деб атади

Халқаро таэквондо федерациясининг расмий сайти хисобланган ушбу сайтда каттагина таҳлилий мақола чоп этилган бўлиб, унда айнан амалдаги жаҳон чемпиони Дмитрий Шокиннинг Олимпиада чемпионлиги учун имконияти юқори баҳоланган.

Ушбу мақолада Шокиннинг қисқа фурсатда оламшумул ютуқларни қўлга киритгани айтилади. Дима 2014 йили Тошкентда ўтган Осиё чемпионати, 2015 йили Россиянинг Челябинск шаҳри мезбонлик Жаҳон чемпионатида олтин медални қўлга киритди.

Ўзи иштирок этган деярли барча Гран-при туркумига кирувчи мусобақалар, шунингдек, Мастерсларда ғолиблик шохсупасига кўтарилди. Шокин 2015 йилнинг апрель ойидан то шу кунгача ўз вазн тоифасида дунё таэквондочилари рейтингини бошқариб келяпти.

Сайтда ҳамюртимизни Dmitriy “Shock Force” Shokin деб аташибди. Яна сайтда Шокинга шундай таъриф берилади:

Despite his formidable physical presence, Shokin is one of the most modest athletes in the game and was at the center of an unfortunate situation on the road to Rio.

Афсуски, рейтингда кучли олтиликдан жой олган яна бир ҳамюртимиз жаҳон вице-чемпиони Жасур Бойқўзиев Рио Олимпиадасида иштирок этмайди. Қоидага кўра, бир вазн тоифасида битта давлатдан биргина спортчи тўрт йилликнинг энг нуфузли мусобақасида иштирок эта олади, холос. Шуниси аниқки, Жасур ҳам Риога борганида совриндорлар қаторида бўларди. 

Фурсатдан фойдаланиб, Дмитрий Шокинга омад тилаб қоламиз!