22 фев 21:52
Янгиликлар

Шахмат

WR Chess Masters. Нодирбек Абдусатторов иштирокидаги партия якунланди + ФОТО

Шу кунларда Германиянинг Дюссельдорф шаҳрида шахмат бўйича нуфузли WR Chess Masters турнири ўтказилмоқда.

Айни дақиқаларда гроссмейстерлар 6-турда ўзаро муносабатларига ойдинлик киритиб олишяпти. Ҳозиргина 6-турнинг илк партияси якунига етди. Унда ҳамюртимиз Нодирбек Абдусатторов (2734) қора доналарда ҳиндистонлик Доммарджу Гукеш (2718)га қарши баҳс олиб борди. Томонлар учрашувда дурангга имзо чекишди.

Ҳозирча Нодирбек 6 имкониятдан 2,5 очко жамғариб, турнир жадвалида қўшимча кўрсаткичларга кўра 9-поғонадан 4-ўринга кўтарилиб олди. Қолган партиялар ҳали давом этмоқда. Гукеш 3,5 очко билан 2-ўринни банд этган.