WTA Finals. Арина Соболенко енгил ғалаба билан бошлади

Серена Уильямс номли гуруҳдан жой олган дунёнинг биринчи ракеткаси Арина Соболенко илк учрашувида осон ғалабага эришди. Беларуслик теннис маликаси WTA рейтингида саккизинчи ўриндан жой олган италиялик Жасмин Паолинини мағлубиятга учратди - 6/3, 6/1.

Теннисчиларнинг ўзаро учрашувларидаги ҳисоб Арина фойдасига янада йириклашди - 6:2. Олмиш тўққиз дақиқа давом этган баҳсда Соболенко 11, Паолини 2 та эйс зарбани амалга оширди. Иккала теннисчи ҳам қўшхатога йўл қўймади. Брейклар бўйича катта устунлик ғолиба томонида бўлди - 5 га 1. 

Эътиборлиси, Арина Соболенко профессионал теннисчилик фаолиятидаги юбилей 500-учрашувини ўтказди. Бу йилги мавсумда у 60 ғалаба ва 11 мағлубият қайд этган. Бу борада у фақат Ига Свёнтекка ютқазмоқда.