04 ноя 16:20
Янгиликлар

Теннис

WTA Finals. Дунёнинг биринчи ракеткаси плей-оффга чиқди

Дунёнинг биринчи ракеткаси Арина Соболенко Мексиканинг Канкун шаҳрида ўтказилаётган WTA Якуний турнирининг финалига йўл олди.

Беларуслик теннис маликаси гуруҳ босқичининг сўнгги учинчи учрашувида сайёрамизнинг тўртинчи ракеткаси, қозоғистонлик Елена Рибакинани уч сет натижасига кўра мағлубиятга учратди - 6/2, 3/6, 6/3. Арина теннисчиларнинг ўзаро учрашувида етакчилик қилмоқда - 5:2.

Икки кун давом этган баҳсда (ноқулай об-ҳаво шароити туфайли) Соболенко 6, Рибакина 5 та эйс зарбасини амалга оширган. Қўшхатолар Аринада тенг баробарига кўпроқ бўлди - 15 га 7. Брейкларда ҳам табиийки, беларуслик теннисчи етакчилик қилди - 5 га 3.

Шу тариқа, Соболенко 2 ғалаба ва 1 мағлубият билан "Бакалар" гуруҳида иккинчи ўринни эгаллаб, плей-оффга йўл олди. Бир ғалаба ва икки мағлубият қайд этган Рибакина эса квартетни учинчи ўринда якунлаб, мусобақадаги иштирокини тўхтатди.